Mehmed V
Mehmed V Reshad (en turco otomán: محمد خامس Meḥmed-i ẖâmis, turco: Mehmed V Reşad ou Reşat Mehmet), nado o 2 de novembro de 1844 en Constantinopla e finado o 3 de xullo de 1918 na mesma cidade, foi o trixésimo quinto sultán do Imperio Otomán. Foi fillo do sultán Abdul Hamid II e foi sucedido polo seu medio irmán Mehmed VI.
Reinado[editar | editar a fonte]
![](http://chped.net/https/upload.wikimedia.org/wikipedia/commons/thumb/4/4b/Drei_Kaiser_Bund.jpg/270px-Drei_Kaiser_Bund.jpg)
O seu reinado comezou o 27 de abril de 1909, aínda que careceu de poder político real durante o seu mandato, sendo os asuntos de Estado do Imperio Otomán controlados por importantes figuras como Three Pashas desde a Revolución Turca de 1908. O único poder político que realmente posuía Mehmed era o de declarar a xihad contra os poderes da Tripla Entente durante a primeira guerra mundial en 1914.
Esta foi a derradeira vez que un Califa proclamou a xihad, posto que o califato finalizou en 1924. A proclamación non tivo un efecto notable na guerra, a pesar de que moitos musulmáns vivían nos territorios do Imperio Otomán. A maior parte dos árabes uníronse ás forzas británicas contra os Otománs na Revolución Árabe de 1916.
Mehmed foi nomeado Mariscal de Campo do Reino de Prusia o 27 de xaneiro de 1916 e do Imperio Alemán o 1 de febreiro de 1916 polo káiser Guillerme II.
Morte[editar | editar a fonte]
Mehmed viviu no palacio Yildiz de Constantinopla onde finou o 3 de xullo de 1918 ós 73 anos, a tan só catro meses da fin da Gran Guerra. A súa tumba estas no distrito Eyup da moderna Istambul.